Bihar mein paida hua ek Bengali hun main
Ya Bengaliyo ke ghar paida hua ek Bihari hun main
Saal ka sabse sarvashreshth tyohar kisey manoon
Kyunki Durga aur Chatt Puja mein farak na jaanoon
Rishtedaaro ki manoo
To bhasha meri thik nahin
Jo dosto ki maanoo
To ghora aur ghaoda mein fark nahin
Gaon chhoda
To har shehri ko thag bataya gaya
Sheher pahuncha
To gaonwaalo ko chor bataya gaya
Yaad aate hai woh barish ke din
Jab gaon mein baithkar pakode khaata tha
Woh swaad sheher mein bhi mila
Par haathon mein yahan vada pao aaya tha
Kehte hai bachpan ke dost sabse azeez hote hai
Jab bhi mudo peeche to vahi khade hote hain
Par kisey pata tha ki aise shehri bhi milenge
kabhi Palat ke dekhne ka mauka bhi nahin denge
Ye sochte hai ki hum inke sheher ko ganda karte hain
Naukriyan khaker inki, inka haq chhinte hain
Hansi aati hai ye dekh aur sochkar
Ki videshi companiyo ke mazdoor ise haramkhori kehte hain
Abb to sheher aur gaon mein fark bhi nahin dikhta
Kyunki kapdo se lekar gaadiyo tak
Har jagah ek videshi brand hi hai dikhta
Abb lagta hai kaafi dur aa chukka hun
Shayad der kar di ghar lautne mein
Kyunki jab bhi fursat mein almari kholta hun
Waqt lag jaata hai wajood ko talashne mein
7 comments:
dude.......the last two lines are killer man !!!
i get it now...ppl(incldin me) ask u why u dont show ur emotions...u do show all ur emotions via ur blogs....
simply beautiful man....keep writing and we all will keep enjoying :)
Shuppaarbbbb!!!!
i lub u. isse jyaada kuch nahi bolunga :)
Sayan - I guess, emotions have to be expressed, someway or the other.
This is so beautifully written, joybrato!
Likhte jaao...i completely agree with sayan and tanushree.
devraj
simply felt the kaleidoscope of aspirations, festivity and 'being' turning more vibrant and profound with each subtle drop..!!
luvd it Joy.
Post a Comment