Meri priyatama
Kyun khafa hai teri aatma
Likha hai khat mein bhar ke tere liye tareef
Par jab bhi bhejne jaata hun aa jaati hai ek nayi brief
Kaise bayaan karun apne dil ki dastaan
Padh lo tum mere status messages ka kaarwaan
Khat kya, tumhaare liye poster, dangler, emailer likh dunga
Tu ek baar haan kar de art-works nikaal dunga
Aur agar mere campaign ne tumhaara dil jeet liya
To dil mein kya usey folio mein bhi rakh lunga
Yeh bedard servicing kya jaane
Tumse judaai ka dard kya hai
Jab bhi nikalte hai tumhaare liye gaane
Saaley aa jaatey hai mera dimaag khaaney
Tumhaare liye kabhi kuch galat likha
Aisa to aaj tak nahin hua hai
Kyunki sirf maine hi nahin
Mere trainee ne bhi har khat ko proof read kiya hai
Sach kahun jaaneman
Tumhaare pyaar mein kayi long copy ads likha hai
Par saala mera art director
Har waqt copy ko crisp kar deta hai
Abb aur kitna logey pyaar ka imtihaan
Kaho to doosro ke tvcs churakar kar dun tumhaare naam
Abb to jab bhi tumhaare liye dil se aawaz nikalti hai
Hamesha grammatically correct hokar hi nikalti hai
Writer's note:
Padhne waaley Chandramukhi naam ko dekh kar jazbaati na ho
Dil se jab bhi bakwas nikalta hai
Aankho mein sirf ek hi chehra mandraata hai