Ye hain Hindustaan meri jaan
Yahan dakshin hai uttar se anjaan
Yahan har rajya ki hai ek apni bhasha
Bhool jaate hai, ki kya hai rashtriya bhasha
Sharab ke vigyapan se hume sankoch hai
Par ‘dry day’ ke din har gali, bas isi ki khoj hai
Rashtriya geet ka ched-chad inhe pasand nahin
Par usey likhne waale ka naam inhe yaad nahin
Koi Assam ka banda dhang ki hindi bol de
To hum kehte hai “Bhaiya tum Assam ke ho nahin sakte”
Ma aur behno ko hum bahut izzat dete
Afsoos, unka sabse zyaada zikr hum gaaliyon mein hi karte
Sarkaar ko gaali dene mein koi peeche nahin rehta hai
Par election ke din vote dene bas sattawan pratishad hi jaata hai
Mirza Gaalib aur Munshi Premchand ko hum sab hai jaante
Par bache aaj bhi T.S. Elliot ki zubaan hai kehte
Angrezi filmo se chapne ko ‘Copycat’ kehte hai
Par hindi filmo ki duniya ko aaj bhi ‘Bollywood’ kehte hai
Jinn videshi khiladiyon ka hum tiraskaar karte hain
IPL mein unhi ke liye hum seeti bajate hain
Basath saal pehle humne angrezo ko nikaala tha
Ye keh kar ki ‘wo yahan ke nahin hai’
Aaj har state se koi nikal raha hai
Yeh sochkar ki ‘wo yahan ke nahin hai’
