Bihar mein paida hua ek Bengali hun main
Ya Bengaliyo ke ghar paida hua ek Bihari hun main
Saal ka sabse sarvashreshth tyohar kisey manoon
Kyunki Durga aur Chatt Puja mein farak na jaanoon
Rishtedaaro ki manoo
To bhasha meri thik nahin
Jo dosto ki maanoo
To ghora aur ghaoda mein fark nahin
Gaon chhoda
To har shehri ko thag bataya gaya
Sheher pahuncha
To gaonwaalo ko chor bataya gaya
Yaad aate hai woh barish ke din
Jab gaon mein baithkar pakode khaata tha
Woh swaad sheher mein bhi mila
Par haathon mein yahan vada pao aaya tha
Kehte hai bachpan ke dost sabse azeez hote hai
Jab bhi mudo peeche to vahi khade hote hain
Par kisey pata tha ki aise shehri bhi milenge
kabhi Palat ke dekhne ka mauka bhi nahin denge
Ye sochte hai ki hum inke sheher ko ganda karte hain
Naukriyan khaker inki, inka haq chhinte hain
Hansi aati hai ye dekh aur sochkar
Ki videshi companiyo ke mazdoor ise haramkhori kehte hain
Abb to sheher aur gaon mein fark bhi nahin dikhta
Kyunki kapdo se lekar gaadiyo tak
Har jagah ek videshi brand hi hai dikhta
Abb lagta hai kaafi dur aa chukka hun
Shayad der kar di ghar lautne mein
Kyunki jab bhi fursat mein almari kholta hun
Waqt lag jaata hai wajood ko talashne mein
Thursday, July 22, 2010
Wednesday, July 21, 2010
Dilli: Ek aisa sheher, jisey logo ne sirf khabron mein hi dekha hai.
Teen saal pehle jab main Dilli gaya tha, tab logo ne kaafi cheezo se aagah kiya tha- "Purse sambhaal ke rakhna - anjaano par bharosa mar karna – wahan thag zyaada hain – kisi se jhagda mat karna, dilli mein sabke paas bandook hoti hai” blah blaaaah. Afsos kisi ne iss baat se aagah nahin kiya ki iss sheher mein main apni zindagi ke sabse haseen logo se milunga.
Dilli mein kadam rakhte hi mere ek azeez dost ne mera haath pakda aur mujhe poora sheher dikhaya. Mere har interview ke liye woh mujhse pehle neend se uthkar Noida se dilli aati thi. Uss sheher mein mere jo sabse pehle dost baney the, woh uske dost the. Abb kya kahein, kuch log ehsaan kar jaate aur kuch log humsafar de jaate hai.
Teen saal ke apne karykaal mein maine chaar jagah naukri ki. Har jagah woh log miley jinka saath sirf office ke darwaazo tak simit nahin tha. Ek aisa boss mila, jisne kar kadam par mujhe apna sapna poora karne ka haunsla diya. Aur jab bhavishya dikh nahin raha tha, to purane mozo ki khushboo ne ek nayi ummeed jagayi. Sapno ko jeene ka ek naya raasta dikhaya. Ek mozey mein hai duniya ko jeetne ki khushboo, par usey durr rakhti hai mehnat ki badboo. Ek mein chhamta har khoobsoorat dil ko jeetne ka. Par aadat hai usey chaarpayi ke dono taraf se utarne ka.
Kehne ko mere kuch 12 bhai hain, par asli bhai ka pyaar mujhe iss sheher se mila. Ek khadoos aisa tha jo zyaada baat nahin karta tha, par uski ankahee vo asar kar jaati, jo shabdo mein bayaan nahin kar sakta. Ek ke geeto ne mujhe rishton ko nibhana seekhaya, uske bachpaney mein bhi ek badappan tha. Ek khurafaati tha jo sharaab peene ke baad kuch aisa kar jaata tha, jisey sahne ki himmat hosh waalon ko bhi nahin hoti. Porn mein bhi screenplay hota hai, yeh mujhe mere ek aur saathi se pata chala. Ussey prerit hokar maine bhi ek aad pornstars ka profile Wikipedia mein padh liya.
Dilli ki garmi ka mujhpar asar na pada,
Kyunki mera yaar beer pakade tha khada
Dilli ki sardi ne jab bhi roki meri saans
Old Monk lekar aaya mera ek dost mere paas
Hafte ki thakaan ek pal mein durr ho jaati
Kyunki har Friday night hoti thi ghar mein dance party
Qutab Minar ki oonchayi ka pata na chalta
Doston ne jo kandho par uthaya na hota
CP mein itni kharidaari kar nahin paata
Jo doston ne apna batua thamya na hota
Chole kulche ka mazaa bhi tab hi aaya
Jab dosto ne apne plates ko aage badhaya
Dilli ki night life mujhe ras na aati
Jo mujhse unohne carobar karwaya na hota
Dilli ka rang mujh par chadha na hota
Agar inn dildaaro ka saath na hota
Par kya kare zindagi ka ‘maqsad’ kuch aur hi hai. Kuch to baat hogi iss shabd mein. Warna mai apno ka saath yun hi chhodkar nahin chala aata.
Likhne ko to likh sakta hun ek kitaab apne dosto ke upar. Par advertising ne shayad, zameer se bewafai karna seekha diya.
Uss sheher ke bahar ke log jinhone sirf ussey khabron mein dekha hai, unse guzarish hai, ki wo jaayen uss sheher mein aur rehkar aayen. Kuch aisa hai uss sheher mein ki, jo log marne aate hain, unhe bhi vo jeena sikha deti hai. Band ankhein jo sapne peedoti hai, unhein poora karne ka haunsla deti hai, Rishton ki bhookh ko pyar ki roti deti hai, dosti ki aanch pe masti ke samose talti hai …aur pata bhi nahi chalta kab seene se dil le leti hai …
Isiliye shayad ye ‘Dil-li’ kehlati hai
Dilli mein kadam rakhte hi mere ek azeez dost ne mera haath pakda aur mujhe poora sheher dikhaya. Mere har interview ke liye woh mujhse pehle neend se uthkar Noida se dilli aati thi. Uss sheher mein mere jo sabse pehle dost baney the, woh uske dost the. Abb kya kahein, kuch log ehsaan kar jaate aur kuch log humsafar de jaate hai.
Teen saal ke apne karykaal mein maine chaar jagah naukri ki. Har jagah woh log miley jinka saath sirf office ke darwaazo tak simit nahin tha. Ek aisa boss mila, jisne kar kadam par mujhe apna sapna poora karne ka haunsla diya. Aur jab bhavishya dikh nahin raha tha, to purane mozo ki khushboo ne ek nayi ummeed jagayi. Sapno ko jeene ka ek naya raasta dikhaya. Ek mozey mein hai duniya ko jeetne ki khushboo, par usey durr rakhti hai mehnat ki badboo. Ek mein chhamta har khoobsoorat dil ko jeetne ka. Par aadat hai usey chaarpayi ke dono taraf se utarne ka.
Kehne ko mere kuch 12 bhai hain, par asli bhai ka pyaar mujhe iss sheher se mila. Ek khadoos aisa tha jo zyaada baat nahin karta tha, par uski ankahee vo asar kar jaati, jo shabdo mein bayaan nahin kar sakta. Ek ke geeto ne mujhe rishton ko nibhana seekhaya, uske bachpaney mein bhi ek badappan tha. Ek khurafaati tha jo sharaab peene ke baad kuch aisa kar jaata tha, jisey sahne ki himmat hosh waalon ko bhi nahin hoti. Porn mein bhi screenplay hota hai, yeh mujhe mere ek aur saathi se pata chala. Ussey prerit hokar maine bhi ek aad pornstars ka profile Wikipedia mein padh liya.
Dilli ki garmi ka mujhpar asar na pada,
Kyunki mera yaar beer pakade tha khada
Dilli ki sardi ne jab bhi roki meri saans
Old Monk lekar aaya mera ek dost mere paas
Hafte ki thakaan ek pal mein durr ho jaati
Kyunki har Friday night hoti thi ghar mein dance party
Qutab Minar ki oonchayi ka pata na chalta
Doston ne jo kandho par uthaya na hota
CP mein itni kharidaari kar nahin paata
Jo doston ne apna batua thamya na hota
Chole kulche ka mazaa bhi tab hi aaya
Jab dosto ne apne plates ko aage badhaya
Dilli ki night life mujhe ras na aati
Jo mujhse unohne carobar karwaya na hota
Dilli ka rang mujh par chadha na hota
Agar inn dildaaro ka saath na hota
Par kya kare zindagi ka ‘maqsad’ kuch aur hi hai. Kuch to baat hogi iss shabd mein. Warna mai apno ka saath yun hi chhodkar nahin chala aata.
Likhne ko to likh sakta hun ek kitaab apne dosto ke upar. Par advertising ne shayad, zameer se bewafai karna seekha diya.
Uss sheher ke bahar ke log jinhone sirf ussey khabron mein dekha hai, unse guzarish hai, ki wo jaayen uss sheher mein aur rehkar aayen. Kuch aisa hai uss sheher mein ki, jo log marne aate hain, unhe bhi vo jeena sikha deti hai. Band ankhein jo sapne peedoti hai, unhein poora karne ka haunsla deti hai, Rishton ki bhookh ko pyar ki roti deti hai, dosti ki aanch pe masti ke samose talti hai …aur pata bhi nahi chalta kab seene se dil le leti hai …
Isiliye shayad ye ‘Dil-li’ kehlati hai
Subscribe to:
Posts (Atom)