Khushiyon ke waadiyon pe thi ek gali
Jahan har imaarat ki thi ek apni pehchaan
Par uske khidkiyon pe jo chehre the
Wo nahin tha kisi se anjaan
Na amir garib ka bhed bhao tha, na jaat paat ka
Na mann mein gile shikve na zubaan pe tiraskar tha
Fizaon mein bhi jo khushbo behti thi
Ek jaana pehchaana sa ehsaas karati thi
Par na jaane kab hawaon ne apna rukh moda
Uss mausam mein paudho ne phoolo ka saath choda
Kuch logo ki aagman ne kiya aisa asar
Meri gali ko paraya karne mein rakha nahin koi kasar
Har shaam guzarta hun iss gali se
Par aaj aisa kyun lagta hai ki bahut der kar di lautne mein
Log bi wahi imarat bhi wahi jaani pehchani si hai
To fir uske khidkiyon se jhaakne waale chehre kyun agyaat hai
Kahin andhere mein maine galat mod to nahin le liya
Ya logo ne koi avidit mukhota pehan liya
Iss gali pe to main apni jaan nichawar karta tha
To aaj ye kaisa ehsaas hai, yahan pehle to dum nahin ghut-ta tha
2 comments:
You know so many of us can relate to this..how come we allowed all these differences to crop in between us?? how could we be so blind!! it really pains me to see people being outcasted on the basis of their religion, their race and their caste.
bhaskar should take hindi lessons from you..:)
Post a Comment